Áskrift að lögfræðiþjónustu er nýjung, þar sem sameinuð er ráðgjöf á sviði skattaréttar og félagaréttar/fyrirtækjalögfræði. Auk þess er veitt fjármálaráðgjöf fyrir þá, sem þess þurfa. Kosturinn við þessa þjónustu er að gerður er fyrirfram samningur við hvern áskrifanda, úttekt tekin á rekstri hans og ráðgjöf veitt varðandi heppilegasta félagaformið út frá ábyrgð, skattlagningu, úttekt úr rekstri og kostnaði við stofnun félags. Greitt er mánaðarlega fyrir þjónustuna og haldið utan um þá þætti, sem samningurinn tekur til.

Með þessu fyrirkomulagi sparast bæði tími og peningar, því það getur verið dýrkeypt að velja rangt félagaform, skila ekki vörslusköttum á réttum tíma og vita ekki hvaða kostnaður er frádráttarbær frá skattskyldum tekjum.

Auk ofangreinds er einnig unnt að vera áskrifandi að annars konar lögfræðiþjónustu samkvæmt sérstöku samkomulagi þar að lútandi.