Hleð…
+354 894 6090
Katrínartún 2, 16. hæð, Reykjavík

Hjónaband eða óvígð sambúð?

Námskeiðið er opið öllum 18 ára og eldri og er einkum ætlað:
1.    Fólki í hjónabandi eða óvígðri sambúð
2.    Þeim, sem hyggjast ganga í hnapphelduna eða hefja óvígða sambúð
3.    Þeim, sem vilja fræðast um réttarstöðu sína við andlát maka
4.    Fagaðilum, sem vinna með hjón og sambúðarmaka, t.d. prestar og sálfræðingar
5.    Öðrum, sem hafa áhuga á þessu viðfangsefni

Mikil áhersla er lögð á að hafa námskeiðið á léttum og skemmtilegum nótum.  Til að tengja lagareglurnar raunveruleikanum verða lögð raunhæf verkefni fyrir þátttakendur og mörg dæmi verða nefnd.  Þá verða fjölmargir dómar reifaðir, bæði dómar héraðsdóms og Hæstaréttar.
Í hléi verður boðið upp á veglegar veitingar.

Námskeiðsstaður er Hjartaverndarhúsið, Holtasmára 1, 6. hæð, Kópavogi. Námskeiðið er í tvö skipti og er boðið upp á:

1. Morgunnámskeið, haldið föstudagsmorgnana 11. og 18. október kl. 9:00 – 12:00

2. Síðdegisnámskeið, haldið í október eða nóvember 2013, nánar auglýst síðar.

Námskeiðsgjald er 30.000 kr.sem greiðist við skráningu inn á reikning Lexistu nr. 313-26-313100, kt. 470606-0100.  Sé greiðandi annar en þátttakandi skal taka fram nafn þátttakanda sem skýringu og senda kvittun í tölvupósti á netfangið lexista@lexista.is  Skráning er ekki staðfest fyrr en námskeiðsgjald hefur verið greitt.

Innifalið í námskeiðsgjaldi er eitt skipti í einkaráðgjöf hjá Lexistu lögmannsstofu.  Viðtalstímann skal panta fyrirfram og er ætlast til að ráðgjöfin varði atriði, sem fram koma á námskeiðinu.  Nýtist það þátttakanda ekki er leyfilegt að óska eftir ráðgjöf á einhverju þeirra réttarsviða, sem lögmenn Lexistu taka að sér.  Engin tímamörk eru á því hvenær viðtalstíminn er nýttur.
Komist þátttakandi ekki á allt námskeiðið er honum heimilt að sækja þann hluta, sem hann missti af næst þegar námskeiðið verður haldið.
VR og fleiri félög styrkja félagsmenn sína til þátttöku á námskeiðinu.
Skráning fer fram í síma 552-6090, gsm 894-6090 eða á netfangið lexista@lexista.is